කවුද අනේ " මක බාස් "

ලෝක විනාසේ  අද  වෙයි  ..හෙට   වෙයි  කිය කියා  හැමෝම   බලාගෙන හිටියත්  ඒකත්  ඒකත්  එහෙම   වෙනදෙයක්  නොවෙයි   වගේ ...ඔන්න  ඔය  සන්තෑසිය  ගැන  මම  පොඩි  පහේ   මනෝ පාරක්  දාගෙන  කාමරයේ  ඉන්න වෙලාවේ    අපේ   මෑණියන්දෑ  කඩා   පාත්වුණේ     වුනේ    නැතෑ    කාමරයට.....

"අනේ ඇත්තට  උබට මේ  මොකක්   වෙලාද   මන්ද    ගෑනු දැරිවියෙක්   ගෙටවෙලා  වගේ   ඕක   අස්සටම   වෙලා   ඉන්නේ "
"උබ   හැමවෙලේම  ඕකටම  වෙලා   ඉදල  මොකක්   හරි     ලෙඩක්    හදාගන්නවා"  ...
" අනේ   මන්ද   උබලට නම්   මේවයේ   ගානක්   වත්   නැහැ දැන්    කාලේ හැදෙන  එවුන්  හැම  එකාම මෙහෙමද  මන්ද "  .......



එක පිට  එක   වාග්  ප්‍රහාර   ගලා එයි ... හොද වෙලාවට  මා සිටියේ   යහන් ගතවය ...කොම්පුටරය  ලග   හිටියා නම්  මෙය  තවත්  වැඩි වනවාය....මගේ   වෙලාව  හොදය ......මම   දනී පනී  ගා ඇදෙන්    බැස්සෙමි ..හොද  වෙලාවට  බබම්මා (බබාගේ  අම්ම) ලග  පාතක   නැත... නැත්නම්  මෙයට   තවත්   ලුණු  ඇබුල්  එකතු   වෙන්නේය...

"මොකද  අම්මේ මේ  කෑගහන්නේ  ලෝකෙවත්    විනාස   වෙලාද ?"

" අනේ මගේ කට ..... ලෝක විනාසවෙන්න කලින්  උබේ  ගෙදර   විනාස  වෙන්නයි   යන්නේ  "

"පොඩ්ඩක්    එලියට   බැහැල  බලපන්   ලිං මැඩියා  වගේ  ගේ  අස්සෙම   රිංගගෙන  ඉන්නේ නැතිව"

"හරි  හරි  මොකද  කියන්නකෝ   වෙලා  තියෙන්නේ  "
"අන්න  අර  කොන්ක්‍රීට්  සැල්බ්  එකෙන්   අයෙත්  වතුර  ලීක්  වෙන්ව   ....  ඔහොම   ගියොත්   ටික  දවකින් ඕකේ  කම්බිත්    දිරල  උබලගෙම   ඔලුවට    කඩාවැටෙන්න   බැරි නැහැ  "

"කොහෙද  අර  බාත් රූන් එකේ  ස්ලැබ්    එකද  "

"ඔව්   ඒක   තමා ... පොඩ්ඩක්  බලපං  ,, බාස්  කෙනෙක්  හරි  ගෙනල්ල ....නැත්නම්  අපරාදේ ඕව "

" අපිනම්  ඕව  ඔහොම  විනාස  වෙන්න   දුන්නේ  නැහැ... ඒකටත්  එක්ක  උබල  අනේ  මන්ද  "

මේ තියෙන්නේ  ස්ලැබ්   එකෙන්  වතුර  ලීක්  වුන   තැන..

මාස 6 ක්   ඇතුලත  ඔය   ස්ලැබ්  එකෙන්   වතුර  ලීක්  වන   තුන්වන   වතාවය....ඒ  අවස්ථා  දෙකේම  ප්‍රදාන  පෙලේ  නම්  දැරූ  බාස්වරු   දෙදෙනෙක්    ස්ලැබ්   එක මතට  ගුවන්   ගත වුනෝය..බදාම  මෙන්ම  ..නොලීක්ද  ගෑවෝය...හැන්දෑවට  මුදල්ද  ගෙන  පුරස්සරම්  දෙඩුවෝය  වැඩක් නැත ...  සියල්ල  වතුරේය
මොන  වැඩ කාරය  ..මොන  සිමෙන්ති   දැම්මත්    ඕක  ඔහොමය  ....කරන්න  කිසිම   දෙයක්  මේ  ටිකිරි  මොලේට  කල්පනා  නොවන්නේය ......
දැන්  තියෙන්නේ  එකම  දෙයයි  "මමම  බාස්   වැඩේ   කරලා   බලන්න  ඕන..". එහෙම    හිතාගත්ත මම  බයිසිමොටෝවෙන්  ටවුන්  එකේ  හාඩ්වෙයාර්   එක   ලගට  ගියේ   වැඩේට  අවශ්‍ය  විශේෂඥ     උපදෙස්  ටිකත්   එතනින්ම  ගන්න  බලාගෙන....
      කඩේ  ටිකක්  සෙනග  වැඩයි   වගේ....
මමත්   ටිකක්   පැත්තකට  වෙලා  හිටියා  මුදාලි  ටිකක්   නිදහස්    වෙනකම් .....නැත්නම්  ලැබෙන  උපදෙසුත්   බාගෙටනේ  ලැබෙන්නේ..

" ආ  මහත්තය  මොකද  පැත්තේ ......අදත්  මොකක්හරි   ප්‍රශ්නයක්ද ??"""

"මුදලාලි  කොන්ක්‍රීට්  සැල්බ් ලීක්   වෙනවට  මොනවහරි   ගාන්න  කරන්න   දෙයක්   තියෙනවද  "

" ජාති නම්   තියෙනවා .... නමුත්  ටික කාලයයි  අල්ලලා  හිටින්නේ  මහත්තයෝ  "

"   ඒවා  දීල  කොහොමද  ආයේ  අපි  මහත්තයගේ   මුණ   බලන්නේ "  මට  පෙනෙනන්නේ   වැඩේ  ලෙහෙසියෙන්  ගොඩ  දාන්න  බැරිවෙයි    වගේ   මට   එහෙමත්    හිතුන  .......

" පොඩ්ඩක්  ඉන්නකෝ  මහත්තය  අපි  කවුරුහරි  බාසුන්නැහැ  කෙනෙකුගෙනුත්   අහල  බලමු .."

මගේ   වෙලාව  හොදකමට   කොහේදෝ  ඉදල  කඩෙන්   බඩු   ගන්නට    මේසන්  බාසුන්නැහැ  කෙනෙක්  පැමිණියේය......එය   මගේ  ලැබීමේ   හැටිය....හැමදාම   බස්   එක  මිස්  වන  මට   හැමදාම   අන්තිම  බස්  එක  අහුවෙන්නේය.... හැමදේම  අන්තිම    මොහොතේය. .... විභාග  වලත්   එලෙසමය ...මුලදී    හරියට  වැඩ නොකලත්    අන්තිම මාසෙන්    දෙකෙන්    ගොඩ  යන්නේය  ......

" බාසුන්නැහැ මේ  මහත්තයට  ස්ලැබ්  එකේ  ලීක්‌  එක   වහන්න  දාන්න  දෙයක්  තියෙනවා   නම්   කියන්නකෝ   " 

එතන  ඉදල  බාසුන්නැහැගේ   ප්‍රශ්න  පත්‍රයට  උත්තර දෙන්නවුනා ..විශේෂඥ  උපදෙසක් ගන්නනේ  මමත්   ගියේ ...අන්තිමේදී  මගේ  කරුණු  කාරණා  විස්ලේෂණය   කොරොල   බලල   උන්නැහැ මෙහෙම  කිව්වා

"ඕකට මහත්තය  මොක  ගෑවත්  ටික කාලයයි ......හැබැයි  මම  අහල    තියෙනවා  ඕකට  EPI FIX   ගම්   එක  නම්  ඔරොත්තු  දෙනවා කියලා    ,  නමුත්  මම   කරලනම්   නැහැ........."
" ක්‍රැක් එක   තියෙන    තැන  හොදින්  වයර්  බ්‍රෂ්   එකකින්  පිරිසිදු   කරලා ..ටියුබ්  දෙකේ    තියෙන  ගම්   දෙක  එකට  මික්ස්  කරලා  ගාන්න   බලන්න.."

දැන්  කරන්න  ඉතුරු  වෙලා  තියෙන්නේ  මේටික  තමයි ..ආයෙත් පාරක්   නිකරුනේ  තුට්ටු දෙකකට   තට්ටු  කරගන්නේ   මොකටද   මමම  මේක     කරලා  බලන්න  ඕන  ...එහෙම   හිතල  මම ඒ  කඩෙන්ම   EPI FIX   ගම්   ඒකයි , වයර් බ්‍රෂ්  ඒකයි  අරගෙන  ,,  බාසුන්නැහැටත්   ස්තුති  කරලා  පිනුම්  අස්සයාට   නැගල     ආයෙත්   ගෙදරට  සැපත් වුනා ....

EPI  FIX  ගම්  හා   වයර්  බ්‍රෂ්    එක 

මම   ගෙදරට  යනවිට    ගෙදර ඉන්න   කාන්තා පාර්ශව  දෙකම  ලොකු  කතා   බහකය.... සිදුවී  ඇති   දෙය   දැන්  මට   හිතාගත  හැක......මට කියන්න   කිසිවක්  ඉතිරි කොට  නැත .....දැන්   දැන්ම  මට   තවත්  ප්‍රශ්න පත්‍රයකට  උත්තර  දෙන්න සිදුවනවාය..... ඒක එසේ  නොවේනම්  පුදුමයක්ය....මගේ   වයර් බ්‍රෂ්  එක හා  ගම්  එක  ඇති මල්ල  දුටු  බබම්මා ( පොඩි බබාගේ  අම්මා )

" දැන්   ඔයා   ඒ  පාර  මක  බාස්ගේ   වැඩෙත්  පටන්   ගත්තද ?????...."

" නිකන්  කොන්ද   කඩාගන්නේ  නැතිව   ඉන්න කිවව්හම  අහල  නොදන්න  දේවල්   නොකර "

" ඔයා ඔය මක බාස්  වැඩ කරන්ඩ්  ගිහිල්ල ...තියෙන  ටික තවත්  වැඩි කරනවා "

" හරි හරි මමනේ කරන්නේ  ඔයගොල්ල  ඉන්නකෝ  පැත්තකට  වෙලා  " 

 කරන්නට  වැඩි   යමක්  නැත ...ප්‍රදානම  වැඩේ වන්නේ  ස්ලැබ්   එක මතට නැගීමය ...අනෙක්    ටික  නම්  කජු   කනවා  වැනි වැඩක්ය ...ඒ  තරමටම    ලෙහෙසිය ......මගේ ප්ලෑන  නතර    කරන්න  මේවා  කියා   නොහැකිය ...මම  ගේ පිළිකන්න පැත්තේ   තියෙන   ඉනිමගත්   අරගෙන  මම  ස්ලැබ්  එක   ලගට   කිට්ටු   කලෙමි ....

" හා හා   පොඩ්ඩක්   ඉන්න  ඉනිමග   අල්ලන්වත්  කවුරුත්    නැහැනේ  මම  ටක්  ගාල එනව "

"ඉවසන්න පොඩ්ඩක් "   
ඒ   බබම්මාගේ   හඩයි..... තනියෙන් ගිහිල්ල නිකරුනේ  කොදු   කඩාගන්න ඕනය ..මමත්  කතාවට   අවනත වුනා .....ඒ   හඩ  ඇහිලා  අපේ   අමම්ත්   එතනට    ආව ...ටික  වෙලාවකට   පස්සේ  කොට   කලිසමකුත්  සමග  ටී ෂර්ට්  එකක්   ඇදගත්ත  බබම්මත්    එතන...

"මේ   මොකද   මේ "  මම  කටහඩ  අවදි  කලෙමි ..

 "නෑ  මටත්  නැගල  බලන්න  ඕන   මොකද  වෙලා   තියෙන්නේ   කියලා "

"හරි  මම  මුලින්  නගින්නම්  ඔයාට  පස්සේ නගින්න  බැරිය ...දැන්    මේක  අල්ලන්නකෝ "

මම  පහල සිටින  කාන්තා පාර්ශවයේ  බලවත්  ආරක්ෂාව   මැද නිරුපද්‍රිතව   ස්ලැබ්   එක   උඩට ව ගුවන්ගත වුනෙමි ...ස්ලැබ්  එක උඩට   නැගපු ගමන්  දුටු  දර්ශනයෙන්   ,,, හදවත  මේව්වා   වුනේය....ස්ලැබ්  එක උද  පොඩි  ජලාශයක්  නිර්මාණය  වෙලාය , මදුරු කීටයොත්   එහෙමෙහෙ  පීනනවා   දුටිමි.. ස්ලැබ්  එක  උඩ  එකතු  වන  වතුර  බැසීමට   තියෙන    බටෙත්   රොඩු   හිරවෙලා  ඒකයි වතුර   එකතු  වෙලා   තියෙන්නේ   .. මම  පහල  ඉන්න ආරක්ෂක අංශ  දෙකට  ඒ   බව  දැන්වුයෙමි ......

"මාත්  එන්නම්කෝ  උඩට  මේ  ඉනිමග   අල්ලනවද  පොඩ්ඩක් "

"හරි   උඩට   නගින්න කලින්   මට බ්‍රෂ්  එකකුයි  ,  වතුර   එකතු    කරන්න  පොඩි බකට්   එකකුයි   ගෙනත්     දෙන්න .."

ටික  වෙලාවක පස්සේ   සියලුම  බඩුත්  ඒකක  බබම්මත්  ස්ලැබ්   එක  උඩට  ආවා...මුලින්ම  ස්ලැබ්  එක   උඩ තිබුණ ජලාසේ  අයින්  කොරල   දැම්ම   දෙන්නත්   එක්කම   එකතු  වෙලා ..ඊට   පස්සේ  ස්ලැබ්   එකේ ක්‍රැක් එක වුන  තැන හොයාගන්න  අපි  දෙන්නම   හිතුව තරම්  ලෙහෙසි  වුනේ   නැහැ... හැමතනම  දියසෙවල  බැදිල  හරිම  අපහැදිලියි ....මුලින්ම  දියසෙවල  ටික  සුරල   දැම්ම  අර   ගෙනාපු  වයර් බ්‍රෂ් එකෙන්... මෙන්න බොලේ  ටිකෙන්   ටික  ක්‍රැක්  එක   මතු  වෙන්ව  අඩි   දෙකක්  තුනක්   විතර   දිගයි   මගේ  හිතේ .....
රෙදි  කෑල්ලක්  අරගෙන     ආයෙත් තෙත මාත්තු  කරලා .. පිහදාල   එහෙම    ලක  ලැහැත්ති   වුණා..
දැන්    තියෙන්නේ  මක  බාසුන්නැහැගේ   වැඩ   සටහන ... අනේ  දෙවියනේ  මේකනම්  වරදින්න   එපා ..
එහෙම  වුනොත්  මට  කන්දෙකේ  ඇබ ගහගෙන   තමයි   ඉන්න  වෙන්නේ... මමත්   ඕන කෙහෙල්මක්  වෙනවනම්  වුනාවේ කියලා   හිතාගෙන   EPI  FIX   ගම් ටියුබ්  දෙකේ    තියෙන   රෙසින්  එකයි  හාඩ්නර්  එකකයි  සමසමව  ටික ටික   අරගෙන  , දෙකම  එකට   මිශ්‍ර  කර  අර  ක්‍රැක්  එක වැහෙන්න   දිගටම   ඇතිල්ලුව ...... දාඩිය  පොල්ලත්  හොදටම   දානව  ... නිතරම කරන  වැඩය  මෙව්වා... ඒ   මදිවට   නැමිලා    ඉදල   බඩ   පැත්තත්   රිදෙනවා..... කොහොම  නමුත් අමාරුවෙන් පැයක්  විතර  යනකොට  වැඩේ   අහවර    වුණා ...මුලදී  උදැල්ල  දැම්මත්  පස්සේ   පස්සේ බබම්මා   ගෙන්   ලැබුණු  සහයත්   මෙතනදී    අමතක   කරන්න   බැහැ.......
ඊලගට  "නයා  පත්‍රයට  "  අනුව තිබුනේ   ස්ලැබ්   එකට  වතුර  දලා  ලීක් වෙනවද   කියලා   බලන්න...
මේ  සදහා  සුදුසු  වන්නේ   තව  පැය හතරකට  ,පහකට  පමණ   පසු  පසු   බවලතුන්ගේ  අදහස  වුණා ....
විස්වාස කරන්න  පැය  පහකට  පසු  වතුර  දමා  කල  ලීක්   ටෙස්ට්   එක    සාර්ථකයි ......නමුත්   බබම්මා    නම් කිව්වේ  "ඕක  සතියෙන්  දෙකෙන් වැඩේ   ඉවරයි "  කියලා   ..... ..දවස්  දෙකකට   පස්සේ  බොහොම   තද  වැස්සක් ...මම  හිතුන  "අදනම්  බඩු    බනිස්  වෙනවා "  කනක්   ඇහිලා  ඉන්න වෙන්නේ   නැහැ... ඒත්   මොකුත්   වෙනසක්  වුනේ   නැහැ......  සියල්ල  හොදින්   .
   ඔහොම දින සති  මාස ගණන්   ගෙවිල    ගිහින්  .......  ......

..........................................................................................................................................................

අදට  හරියටම  අවුරුදද්ක්  වෙනවා.....ආපහු  ලීක් එකනම් ආවේ   නැහැ   ,,,  යන්තම්  තුට්ටු   දෙකකට තට්ටු වෙන්න   ගිය   අවස්ථාවකිනුත්  බේරුනා   ... .  ගතහැකි පාඩම : මක බාස්ලටත්  හිතුවොත්  වැඩ   හරියට   කරන්න   පුළුවනි ..... 
ප .ලි ---- කවුද   හැබෑටම  (මක) බාස් ?





.